作為 Ms Yu 的鐵粉，別人看完這篇日記的感受肯定與我不一樣。
葉朗看到之後，只有一個 sad 字。亮點在哪裏？不是那杯齋啡，不是那位健談的姨姨，是第一句：「去新蒲崗攞啲嘢。」
竟然，最近有三位女士跟我不約而同說過同一句話—「去新蒲崗攞啲嘢。」
公司 recptionist：「我今日想早啲走，要去新蒲崗攞啲嘢。」
大學舊同學：「聽日我要遲啲到，去完新蒲崗攞啲嘢就趕嚟。」
友人的另一半：「我今個星期六唔得喎，想去新蒲崗攞啲嘢。」
而家連 Ms Yu 都話要去新蒲崗攞啲嘢，徹底粉碎了我的少男夢。
三位女士要去新蒲崗攞啲乜？答案竟然是同一樣嘢，呢下先恐怖。
已經沒有心情考究為什麼好像只有新蒲崗先有嗰啲嘢攞。
到底攞乜。
我用抖震的聲音為大家揭曉答案：「BB 用品。」
唔係真㗎，我發夢喳，聽日起身見唔到呢個 post 㗎喇。
Search